كتب – إبراهيم خليل إبراهيم
الإنسان الوطني المخلص عينه ترصد الجمال والايجابيات وتتحدث عن ذلك وعندما تكون هناك بعض السلبيات يكون الحديث عنها لأجل القضاء عليها وليس لإهانة الوطن ومن الصورة المشرفة التي التقطتها لولا الطيار ونشرتها على صفحتها بالفيس بوك موقف ابن مصر ضابط الشرطة هيثم خلف حيث قالت لولا الطيار :
الراجل ده بقي حكايته ايه ؟؟؟
الرائد هيثم خلف رئيس مرور الوراق ربنا يحفظه ويبارك فيه شاهد سيدة مسنة تبكي أمام الوحدة علشان مش عارفة تجدد ترخيص سيارة جوزها المتوفي علشان تبيعها علشان مصاريف أولادها طلع خد الورق من ايدها ولف على الموظفين خلص الاجراءات وهي قاعدة في المكتب
كان قادر يجيب الموظفين عنده في المكتب لكن الست لما سألته هذا السؤال ؟ قال لها : ادعيلي يا حاجة أنا أردت اتعب شوية علشان أحس بالناس وأخد ثواب أكتر
الرائد هيثم خلف كاتب علي باب مكتبه أن كبار السن يدخلوا المكتب فورا بدون انتظار وأن المسن يقعد ويستني لغاية ما ورقه يخلص وهو قاعد في المكتب
هو ده الراجل المحترم
شرف لينا كمصرين أن يكون في حد زي ده في الداخلية المصرية
الوظيفة مش مكتب مكيف
الوظيفة إحساس بالآخرين
مصر لسه فيها خير وولادها طيبين
زي ما بنتكلم علي السلبيات لازم نقول الايجابيات
